ترنيمة كان فيه عنقود عنب

* كان فيه عنقود عنب طلع فى غير اوانه

خده راهب من الرهبان وداه لرئيس الدير

* شكره رئيس الدير مكاريوس الكبير

فكر يديه لراهب تعبان و سنه كبير

* راح قاله انت تفوز إنت راهب عجوز

والخير اللى بيجي نديه للي يعوز

* أخده الراهب خجلان وقاله هو كمان

معقول أنا إللي آكله واخويا يبات جعان؟!

* فضل العنقود دا كتير يلف بدون تفكير

وأخيرا رجع تاني لمكاريوس الكبير

* قام القديس فى الحال جمع الرهبان وقال

ها احكيلكم على حكاية إنما عال العال

* انا شايف المحبة بتزيد حبه حبه

ودليلي الأكيد: آدي عنقود المحبة

* يارب أنت النور انت الله المحبة

والشمعة لما تنور ضوئها ما يستخبى

» ترنيمة مين ساكِن في قلبك مين؟
» ترنيمة حتة حاجة حلوة
» ترنيمة السامري
» ترنيمة نوري
» ترنيمة أنا باحبك يا ربي