احدث معجزه للعذراء فى طنطا

معجزة للعدرا في طنطا


احدث معجزة للعدرا في طنطا (شفتى انتى حطة ابنك في حضنك ازاى )


سلام المسيح معاكم يا شباب
المعجزة دى حصلت بالفعل وانا سمعتها من صاحبة المعجزة شخصيا اللي رفضت انى اذكر اسمها
علي فكرة المعجزة كانت شفاء من لوكيميا الدم من الدرجة الثالثة لام عندها 3 اولاد اصغرهم تقريبا عندة سنتين

بتبدا صاحبة المعجزة الكلام وتقول انا كان عندى مشاكل في من اكتر من سبع سنين لان كان عندى نقص في عناصر في الدة ورحت

للدكتورة/ عايدة نظير

استاذةفي كلية الطب جامعة الاسكندرية واول دكتورة لزرع النخاع في الشرق الاوسط وظليت اتعالج معاها سبع سنين و لكن بقالي سنتين مش متابعة معاها ولكن بعدضهور اعراض قوية رحت للدكتورة عايدة اسكندرية بعد ما وصلت ان كان بيجيلي حالات اغماء في الشارع
وكنت قبل كدة رحت لدكاترة كتير منهم
دكتورة اباء الشيخ والدكتور علاء الزياد

ولاقيت الدكترة عايدة بتقلي هنعمل فحص للجسم وتحليل فورى لشكل خلايا الدم وصلت لحد فين وبالفعل عملت التحليل وكانت نتيجتة ان المرض موجود ولكن الدكتورة عايزة تخفف من حدة الخبر عليا وقعدت تمهد ازاى تعرفنى
وأنا(صاحبة المعجزة ) كان عندى احساس ان المرض دة عندى (لوكيميا الدم ) لانى كان بقالي فترة بحلم بماما وهيا متوفية بتقليي تعالي معايا والست العدرا كانت بتقلها لا لا مش هتروح فقلتلها بصي يا دكتورة احنا عندنا المرض دة بنسمية مرض الفردوس قالتلها انتى فعلا عندك المرض دة وحاولت تخفف عنى وتقلي متخفيش وطلبت منها الدكتورة اختيار مستشفي البترول في اسكندرية علشان يتم العلاج فيها وبعد نقاش قالتلي الدكتورة احسنلك انك تتعالجى في بلدك

كان اصعب مشوار في حياتى وانا راجعة من اسكندريةبعد ما عرفت انى عندى المرض دة كلنا كنا منهارين لدرجة ان اخويا فقد الامل في كل حاجةوطلب من العدرا انة يموت علشان خلاص اختة بالنسبالها المسألة خلاص مسألة وقت وكنا هنعمل حادثة واحنا راجعين

ملحوظة كان كل اللي بيسالها كانت بتقلة انا عندى سرطان في الدم وكانت بتقلهالة بطرقة معزية جدا

وخلاص رحت معهد الاورام اللي جنب مستشفي الجامعة وتم تحديد دكتور لمتابعتى اسمها

الدكتورة/ سهام عزت ومعاها دكتورة كمان في اللوكيميا
وحجزت عندها يوم الخميس الساعة 8 وطلبت من جوزى انى معملش التحاليل قبل ما اروح وسعتها دير العدرا في ابيار واتناول وساعتها انرفز عليا جدا ان الحالة كانت متاخرة ومكنش فية وقت

وقعدت اصلي للست العدرا واقلها ((((يا ست يا عدرا يا ام النور اروح ملاقيش الدكتورة))))))

ورحت لاقيت العيادة مقفولة فسالت البواب قالي انها انهاردة في المعمل فرحتلها بسرعة علشان الحقها وكل دة وانا بقول جويا يا ام النور اروح ملاقيش الدكتورة وبالفعل رحت المعمل وصلعت لاقيت ممرضة بتقلي وحضرتك طالعة في الاصانسير هيا اللي كانت نازلة ففرحت جدا انى هروح اتناول قبل ما اعمل التحليل
وفرحت لانى حسيت ان العدرا سمعانى

يوم الجمعة هروح بيار واتناول قبل ما اخد العينة واعمل التحاليل ولكن في اليوم دة (يوم الخميس )

رويس ابنى الصغير نام الساعة 6 الصبح فمعرفتش اروح القداس وكنت متضايقة جدا وقلت لجوزى يلا نروح دلوقتى وكانت الساعة 12قالها لو روحنا دلوقتى هيقفلو الباب في وشنا (((((((قالتلة عندك حق فعلا هيا كدة خلاص اتقفلت في وشي فعلا ))))))وحسيت بمرارة وحزن شديد جدا

وفي اليوم دة باليل طلب جوزى منى اننا نصلي وقلتلة لا انا مش هصلي انا زعلانة من ربنا

ورحت علشان انام+++++++++++ قبل المعجزة مباشرة +++++++++++

وعندى فوق السرير صورة للعدرا وهيا حضنة المسيح فقلتلها

+++(((شوفي يا ست يا عدرا انتى حطة ابنك في حضنك ازاىطيب انا هخش معهد الاورام بكرة مين اللي هياخد بالة من رويس دة لسة صغير فأسيب رويس فين انتى كنتى تقدري تسيبي يسوع وتروحى مشوار خمس شهور طيب انا هيحجزونى في المعهد خمس شهورهسيب رويس لمين )))))+++

ونمت وجت الساعة 5 وصحيت علي ان باب الشقة بيترزع فصرخت وصحيت جوزى قوم قوم
زوجها : مالك في اية
صاحبة المعجزة : انت مسمعتش الناس اللي كانو هنا قالها ناس مين علي العموم انا هريحك

وقام بص علي السلم وقفل الباب بالكالونين

وقمت من النوم مرعوبة وخايفة وجاتلي حالة ترجيع مستمر بتعب ووجع+++ (((ولاقيت اكن في دبيحة علي السريرووشي مليان صلبان والهدوم عليها صلبان دم واللسرير علية صلبان دم ولاقيت دم ي البدى وعلي جلدى

ووبعدين حد يسال صاحبة المعجزة العدرا كان شكلها اية

+++++++++++(((كانت ست حلوة اوى وبيضة اوى واجمل واحدة شفتها في حياتى وكانت عادية لابسة فستان ابيض وشعرها دهبي وجت في صورة بنت شابة وكان معاها ابونا عبد المسيح المناهرى

قالتلك اية طيب (احد الموجودين )

الست العدرا :قومى يلا تعالي معايا
صاحبة المعجزة :اجى معاكى فين لا مش جاية
وتكمل علي طول كان ردى فية نفور تام ومعاها
صاحبة المعجزة : رويس لسة نونو انا مش عايزة اجى معاكى
الست العدرا انتى مش كنتى هتجيلي انهاردة الصبح واتاخرتى انا سبت كل الناس علشانك وجيت لك انتى
العدرا تعالي نروح انا وانتى نودى العينات المعمل وهستناكى هناكانا همشي دلوقتى وارجعلك تانى

تكمل صاحبة المعجزة
كان فية خرمين في ايدى واحد اتسحب منة الدم والتانى دخلي منة دم جديد
وجة احد الاباء الكهنة اخد التحاليل ووراها للدكتورة / سهير كامل
الدكتورة سهير بتقول لابونا
الدم بيور يا ابونا وطبيعى جدا وكرات الدم نضيفة جدا زى ما يكون سافرت برة واتسحب دمها ودخل دم جديد
دمها كانة دم طفل لسة مولود

وكدة خلصت المعجزة وبطلب من صاحبة المعجزة انها تذكرنى في صلاتها وانا زى ما اتفهنا اهو مذكرتش الاسم ذكرت رويس بس
اذكرينى في صلاتك وحمدللة علي سلامتك

منقوووووووول

صور للملابس اللي حصلت بيها المعجزة

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اذكرينى في صلاتك والف حمدللة علي سلامتك
للمزيد من مواضيعي