تأمل للعدرا ام النووور

يا عدرا يا بتول يا بنت الاصول حياتك من صغرك كلها صلاه وتسبيح فى الهيكل
خدمتى ولما كبرتى اختارك ربى بعتلك ملاكه باعظم بشاره يا مريم لاتخافى
هتبقى ام الفادى لما زرتى نسيبتك شهد يوحنا لابنك تعبتى فى ولدتك وفى مزود
حقير اضجعتى مع ابنك

كان ابنك وانتى امه كان ربك وانتى امته وفى معجزاته كنتى شاهده وفى
الاماته كنتى واقفه وصراخك كان بيدوى ودموعك كانت بتجرى كل جلده جلدوها
لابنك كانت طعنه فى قلبك يا امى كنت شايفه كنتى عارفه كنت ساكته لكن جواكى
نار قايده كنت فاكره الذكريات كنت فاكره اللى فات لما ابنك على الصليب مات
وهو برده مش ناسيكى حتى فى وسط الامه كان بيناديكى وصى يوحنا حبيبه عليكى
انت امه وهو ابنك وهو مات علشان يفديكى مانتى عارفه انه هيرجع تانى ليكى

يا عدرا قلبك حنون يا عدرا شايله الهموم لما بنطلب بنلاقيكى لما بنصرخ
تسمعينا وفى وسط الالمات عمرك ما بتنسينا وشفاعتك مقبوله عند فادينا
وظهورك ده كان بركه لينا لابسه الطرحه والفستان يا ملكه ياام الحنان
وجمالك جمال الهى يا عدرا يا ام الهى و سط الامى ووسط ضيقاتى عمرى ماهنسى
حنانك امى مهما قلبى يعبر عن حبى اليكى عمره ما هيوفى حنانك امى ده انت
ياعدرا لو تطبى عينى تبقى هديه رخيصه عليكى
يا امى بنادى عليكى زى ما نادى عليكى يسوع قدام صورتك انادى عليكى اشفعى فيا عند يسوع

تأليف / اندوور مندور
لامى العدرا شفيعتى
[ندعوك للتسجيل في المنتدى أو التعريف بنفسك لمعاينة هذا الرابط]

رائع رائع ياندروا تسلم ايدك الرب يبارك حياتك

[ندعوك للتسجيل في المنتدى أو التعريف بنفسك لمعاينة هذه الصورة]

جميله جدا يااندرو ربنا يعوض تعب محبتك

امتنان

زائر

الحبيب اندرو موضوعك جميل ومميز شفاعة ام النور تكون معاك

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ياندرو على التامل الجميل وربنا يباركك

[ندعوك للتسجيل في المنتدى أو التعريف بنفسك لمعاينة هذه الصورة]

ميرسى ليكم كلكم وربنا يكون معاكم بشفاعة العدرا

ميرسي كتير ربنايعوضك و يبارك خدمتك
تامل جميل جدا