حياتي بين سنه راحت وسنه جايه

حياتي بين سنه راحت وسنه جايه

السنة اللي فاتت انا فاكر اني ظلمت ناس كتييييير وقسيت على ناس كتييير
زعقت مع بابا وماما ومع اخواتي كمان كان قلبي حجر مكنش بحس غير بنفسي وبس
انا ثم انا ثم انا ثم انا الى ما لا نهاية ............

غير طبعا بقى الخطايا مقلكووش كتيرررررررررررررة قد ايه

يمكن مقدرش اعدها

بس حصلت حاجات السنة اللي فاتت غريبة غيرت حاجات جوايا
شفت ناس ماتت وهيا لسة في عز شبابها
شفت امراض انتشرت جدااا وناس كتير ماتت منها
شفت كوارث طبيعية بتحصل وبيموتوا منها بالالاف

وفكــــــــــــــرت

ليه مكنش انا واحد من اللي ماتوا

ليه ميحصلش معايا زيهم والامراض اللي جاتلهم تجيلي انا كمان

او الكوارث والحوادث اللي حصلت معاهم ليه متحصليش انا كمان

وساعتــــــــــــــــــها !!!!!!!!

هقف قدام ربنا اقوله ايه ولا ابص لنوره ازاي

وانا انسان كلي ظلام الخطايا ملياني من اولي لاخري !!

فكرت وقلت لا كدة خلاص

كفاااااااااية

لازم افوق

انا في اي لحظة ممكن اقف قدام ربنا

وده كان في اخر يوم من السنة اللي فاتت وبداية لسنة جديدة

انا لازم اتولد مع المسيح فيها

لازم ارجع انسان طاهر زي ما ربنا خلقني على صورته ومثاله

لازم اقطع عهد بيني وبين ربنا ودلوقتي الان مش بكرة ولا بعده

ولا حتى اللحظة اللي جاية

لالالالا دلوقتي حالا

هقف واقوله

ارحمني يا الله كعظيم رحمتك ومثل كثرة رأفتك تمحو اثمي

تغسلني كثيرا من اثمي ومن خطيئتي تطهرني

لاني عارف باثمي وخطئيتي امامي في كل حين

لك وحدك اخطأت والشر قدامك صنعت

ارحمني يا ربي ومخلصي يسوع

واخلق فيا قلب جديد فيه محبتك وطاعتك ونورك يارب اللي ملوش حدود

قلب يارب يتمجد اسمك بيه كل حين وكل ساعة وكل لحظة

الى الابد
امين
اذكروني في صلواتكم

موضوع جميل الرب يباركك ياامانى

[ندعوك للتسجيل في المنتدى أو التعريف بنفسك لمعاينة هذه الصورة]

زائر

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع يا امانى [ندعوك للتسجيل في المنتدى أو التعريف بنفسك لمعاينة هذه الصورة]

ميرسى جدا على مروركم الجميل

الرب يباركك ياامانى على موضوعاتك الجميله

ميرسى اندرو على مرورك الرائع الرب يباركة حياتك