ارحمنا يارب وعزينا وصبرنا علي بلاوينا

عالم ظلمة ومفترية.............ضيعو حقوقنا البشرية
ولا رحمة ولا انسانية ..........وقلوب ميتة مية المية
من احداث النجعاوية ..............للعراق والعمرانية
ولأمتى هنفضل ساكتين؟...........ع العالم المفتريين ؟؟
اصحوا وفوقوا يا مسيحيين.........شوفو بكرة الدور على مين؟
...انا بجد بقيت مخنوق.............عالم ماعندوش اى زوق
يللا نصحا يللا نفوق................ضيعوا كل الحقوق

فى العراق فى كنيسة سيدة النجاه.............كانوا رافعين ايديهم بالصلاه
ارحمنا يارب السما............نجينا من شر الخطاه
فجأة ومن غير اى ذنب صار.........صوت رصاص وضرب نار
ملو الكنيسة دمار .................موتو حتى الاطفال
فجأة اتحول المكان...................لمنجم وكمان بركان
دة ميت ودة مصاب .................والكنيسة بقت خراب
اتحولت لكوم تراب............وياريتهم نالو العقاب

ومار جرجس فى العمرانية...........طلعو علينا فى الفجرية
بدون رحمة ولا انسانية...........بالرصاص وبالقنابل اليدوية
دى كنيسة ياناس مش حرب ...........ليه بس الرصاص والضرب
وايه بس ذنب مكاريوس يموت؟؟؟؟؟؟؟؟؟؟؟ويبات الشاب ف تابوت ؟
وملاك ليه بس قتلتوه؟؟؟؟؟؟؟؟؟؟؟؟؟؟؟؟حرقتو قلب امه وابوه؟؟
شاب وكان لسة صغير..............وبيحلم احلام كتير
ازاى بس يصير قتيل؟؟؟؟؟؟؟؟؟؟؟؟والباقى مسجون زليل ؟؟
ارحمونا ياناس حرام................عيونا مش عارفة تنام
مش بنطالب بأنتقام............احنا رسالتنا السلام

البلد مليانة جوامع ................واصواتهم ماليه المسامع
ليه لما نبنى كنيسة؟؟؟؟؟؟؟؟؟؟؟؟يعملو مؤامرة ودسيسة ؟
فين بس حقوق الانسان؟؟؟؟؟؟؟؟والرحمة وسط الجيران؟؟
انا من حقى اعيش فى امان........واقول وطنى ولا كل الاوطان
ناس بتتلكك علينا..................طلعو روحنا وعنينا
عايزين ينتقمو منينا ..........واحنا ولا حولة ولا قوة لينا
ارحمنا يارب وعزينا ...........وصبرنا على بلاوينا

شكرا مرمر علي مرورك
ربنا يبارك تعب محبتك

[ندعوك للتسجيل في المنتدى أو التعريف بنفسك لمعاينة هذه الصورة] بجد عجبتنى خالص ربنا يعوض تعب محبتك ربنا يرحمنا كمان

شكرا بسبوسة علي المرور